《 古 井 童 谣 》
吴振武 / 搜集整理 / 2014.7

---

1.
氹氹转, 菊花园. 炒米饼, 糯米团.
五月初五系龙舟节呀, 阿妈叫我去睇龙船.
我唔去睇我要睇鸡仔, 鸡仔大我拎去卖.
卖得几多钱, 卖咗几多只呀,  我有只风车仔, 佢转得好好睇.
睇佢氹氹转呀菊花园 睇佢氹氹转呀,
氹氹转又转.
2.
点猪包包，菠萝皱皱，唔系捉猪就捉牛；
捉到黄牛三十两，骑子过马过山乡;
球叠球，家家门口种石榴，种了石榴捞韭菜，一人夹箸好行开.
3.
正月水𣿫𣿫，二月田开裂，三月琴时蛤蚧叫，四月舞龙头，五月扒龙舟，六月烧火烘抖抖，七月雾神仙，八月十五月团圆，九月九糖瓜饼仔塞满口，十月螃蜞煮酒吃了吾潄腰，十一月是冬，十二月是年，家家门囗贴红钱，贴了红钱大吉利.
4.
摇绳索，大长伯，大伯去过海，买埕烧酒买埕姜，行到门口辣辣香，吾比家婆尝，家婆捉倒扭断肠！
5.
补碌仔，圆哪哪，不如嫁称荷，称荷任人称，不如嫁个兵 , 个兵要打仗 , 不如嫁和尚，和尚要吃斋，不如嫁皇帝，皇帝有拾贰个老婆仔，壹棒打死晒，还剩一个好奶奶。
6.
鸭仔恋水氹，桃花跌落菊花林，今朝阿娘无食饭，唱支歌仔解下娘心.
7.
亚妈倒水我洗脚，买对红鞋仔我又吾合着，走上山头捉个雀，又红屎忽又红脚.
8.
有女吾好嫁三江，三江条海白茫茫，有女吾好嫁龙泉，龙泉石仔碃金莲，有女吾好嫁独洲，独洲条路仔远悠悠.
9.
月公月婆娑，梳个髻仔靓么么，你打鼓我打锣，打锣打鼓接舅婆，舅婆吾吃生鸡肉，舅公吾吃鲤鱼头.
10.
打肶仔，叹快活，住茅藔，风吹茅尾好似吹萧 ; 日间有太阳照 ，夜间有月来朝，吾愁无米煮，吾愁无柴烧，只愁大贼放火烧茅藔.
11.
落水仔，可帽戴，亚妈打，亚婆寨，亚公返来闹一排黎.
12.
八月十五月团园，你吾嫁板哥落板船，八月十五月中秋，我吾嫁板哥几风流.

13.
睇牛仔，辛苦多，走埋树荫坐、莫让牛牯吃我禾。吃少赔少，吃多赔多，赔给你吃个大肚萝.
14.
咪咪瞓，瞓醒吃云吞，云吞未来未眼瞓，云吞来到闭眼瞓.
15.
黄蚁仔，黄蚁儿，兜兜出来担番薯，番薯香，番薯长，担回家，啖啖尝.
16.
禾雀仔，尾掘掘，隔里亚婆大生日，梳靓后脑等过日.
17.
鸡公仔，尾弯弯，做人新妇甚艰难，早点起身煲茶仲话晏.
18.
波莲子，波莲萝，莲子莲萝落婆娑，婆娑到北海，北海到木梅，木梅梅，上树吊金财，金财金锁链，银财银锁带，一钓钱，二钓线，连到亚妈嘅身边.
19.
落雨大，水浸街，阿妈出街着花鞋，花鞋花袜花腰带，珍珠蝴蝶两边排，排排都有十二粒，粒粒如玉无疵瑕.
20.
骑牛牛，牛牛走，牛牛响前咪回头，若然回头就打箩柚.
21.
买条咸鱼仔，放在屋背晒，禾雀担咁呢，乌鸦担返来，煮饭乌鸦吃，禾雀气尺尺.
22.
打掌仔，驳禾镰，禾镰利，咧咧割个鼻，禾镰盾，咧咧割个痕.
23.
一萝巧，二萝饱，三萝无米咬，四萝返老汤，五萝吾死六萝亡，七萝七叠屋，八萝八眼大鱼塘，九萝足足，上山忽谷，十萝齐齐，上山忽泥.
24.
落大水，打大风，长乐女仔嫁官冲.
25
龙眼仔，核乌乌，吾见大姨揾姊夫，姊夫着条麻甩裤，大姨着对花红鞋.
26.
拉拉手，好朋友，我做朋友你做狗.
27.
大头仔，去睇牛，吃晒呢高樑粟，蕃薯煮芋头.
28.
东方日出一点红，朝朝洗脸见芙蓉，咁好芙蓉吾结子.
29.
花生吾吃神仙雾，神仙吾吃花生糊.